Mirush Kabashi, një nga mjeshtrit e artit skenik u nda nga jeta agun e kësaj të marte në moshën 75-vjeçare, pas një beteje 3-vjeçare me një sëmundje të rëndë.
Artistja e nderuar Tinka Kurti u përlot teksa ndau kujtimet me aktorin Mirush Kabashi. Në një intervistë për Frontline Interview në Report Tv, me gazetaren Marsela Karapanço, aktorja Tinka Kurti tha se nuk përsëritet më një aktor si Mirushi. Aktorja kujtoi e një moment kur Mirush Kabash i kishte ofruar që të jetonte pranë tij, meqë kishte mbetur vetëm.
‘As që e besova disa herë pyeta veten time se çfarë është kjo fjalë kot. Unë nuk dua ta besoj. Mirush Kabashin e njoh me vite me ndershmërinë e tij, me dashurinë dhe respektin që kishte qoftë për vete dhe për familjen e tij. Disa herë më thoshte mos rri vetëm, hajde tek shtëpia ime. Se dhe unë kam pasur fatkeqësi më ka vdekur djali i vetëm. (qan).’- u shpreh e përlotur artistja.
Për aktoren, lidhja e afërt me Mirush Kabashin nuk ishte vetëm në skenë por edhe në jetë!
‘Ishte një njeri me vullnet të jashtëzakonshëm. E kam njohur kur është bërë një film, skenarin ma kishin sjellë në shtëpi dhe zgjodha rolin e plakës. 100 e ca vjeçe dhe me thënë të drejtën më rrinte për karshi Mirushi. Kemi qenë bashkë jo vetëm në jetë, por pasdite në darkë në mbrëmje. Ai kishte qenë talenti më i madh që ne kemi pasur në grup. E kemi dashur shumë, shkonte deri në Lushnjë, me na marrë bukën më të mirë se ne ishim në periferi. Nuk përsëritet Mirushi, e ka dashur gjithëkush i bënte vetë rolet e veta. Një Mirush nuk i vjen më Teatrit. Mirush Kabashi nuk vjen më! Unë kam qenë shumë mike e ngushtë e tij. Me ka thënë që të gjej shtëpi afër. Unë jam 91 vjeçe! Kur kemi xhiruar! E kishim mik të mirë në jetë dhe në familje.’- tha Kurti.
Aktori Ndriçim Xhepa e ka kujtuar si maniak të punës Mirush Kabashin, i cili sot u nda sot nga jeta. Në një intervistë për emisionin ‘Frontline Interview’, aktori tha për gazetaren Marsela Karapanço se Mirush Kabashi ishte tepër zhbirilues.
‘Mirushi pati një 25 vjeçar që punoi në Tetarin e Durrësit. Ishte bashkëpunëtor i shumë spektakleve të Vitit të Ri. Mirushi e donte edhe planin televiziv. Nuk kam pasur bashkëpunim skenik por filmik. Ishte maniak në punë, tepër kërkues zhbirilues për të kaluar nga një karakter në një karakter tjetër.’- tha Xhepa.
Aktori kujtoi një moment gjatë xhirimeve për një film në Pogradec, kur për një moment 3 sec, kishte bërë disa dubla me kokën e gjarprit në dorë. Xhepa thotë ai kishte një ndërgjegjësim të nivelit shumë të lartë të krijimit të një figure nga një aktor i tillë.
‘Kishte në dorë një gjarpër dhe brenda një gjendje tepër të vështirë, e mbante atë kokën e gjarprit dhe bënte disa dubla. ‘Mirush’, thoshte regjisori e ke shumë mirë, e mbyllim! Pasi regjisori e mbylli regjistrimin, Mirushi u fut në ato zguvat e gurta iu mbushën sytë me lot filloi të dridhej. Kishte ndërgjegjësim të nivelit shumë të lartë të krijimit të një figure nga një aktor i tillë. Aktorë të tillë të këtij niveli, nuk janë opinione dhe mbresa të stisura por janë të vërteta dhe ashtu duhet shprehur.’- tha Xhepa.
Komente
Vjen vjen që ç'ke me të, edhe më i mirë biles
Përgjigju