Jozefina Topalli thotë se beteja e saj është të largojë nga politika kryeministrin Edi Rama, kreun e PD Lulzim Basha dhe presidentin Ilir Meta. Sipas saj PD është shkrirë nga marrëveshja e Ramës me Bashën.
"E kam gjetur veten duke buzëqeshur. Është një linjë partie që përcillet si propagandë.Mua nuk më impresionon, ai e bën për të imopresioni njerëzit që më rrethojnë. Është përdorur si një provë e atyre që kërkojnë vende të sigurta në kuvend ndaj kryetarit. Jemi kthyer më keq se në kohën e Enver Hoxhës,. Unë jam për largimin e Edi Ramës, Lulzim Bashës dhe Ilir Metës.
Unë jam armiku i këtyre zgjedhjeve për të tre këta, se këta të tre merren vesh mirë me njëri-tjetrin. Pavarësisht shantazheve që duket se i bëjnë në media, ata i kryejnë pazaret me njëri-tjetrin siç i kanë bërë gjatë 8 viteve dhe sigurisht që s’ka arsye pse të shqetësohet ai. Dhe unë e them që unë dua të kthej të djathtën reale në parlament, që të dy bashkë e kanë shkrirë. Përjashtimi i elitës politike të së djathtës është bërë me marrëveshjen e 2017-s, nga marrëveshja e Lulzim Bashës bashkë me Edi Ramën. Është bërë nga të dy bashkë dhe prandaj ka marrë mandatin e dytë. Unë nuk i marr vota askujt. Ato vota që do të shkojnë te Lulzim Basha për shkak të siglës, shkojnë aty.
Ato që nuk shkojnë tek ai vijnë tek unë. Unë i bëj një premtim çdo të djathti: mandatet tona do t’i bashkohen së djathtës për të krijuar një qeveri të djathtë dhe për të pasur një kryeministër të pakorruptuar që të mendojë dhe ku do të kemi influencë bashkë me kolegët e tjerë për të influencuar dhe për të sjellë jetën ekonomike dhe jetën kulturore në qytetin tim. Unë nuk kam gjë më të shtrenjtë se qyteti ku kam lindur dhe ku jam rritur, ku më kanë votuar për 20 vite dhe ku më besojnë akoma. Dhe nëse unë do të kem një mandat, unë uroj dhe kam shpresë se do të kem shumë mandate, por edhe një votë sikur të kem, ajo votë së pari shkon për Shkodrën dhe sigurisht për të gjithë Shqipërinë, por mbi të gjitha për qytetin tim.
Atëherë, e para kundër Edi Ramës. Vota ime që shkon djathtas eliminon Edi Ramën të parin, por në të njëjtën kohë eliminon edhe Lulzim Bashën. Unë e di që ka pasur skeptikë gjatë diskutimeve kur është krijuar Lëvizja. Po si e ke të mundur që të largosh të tre përnjëherë? Ja, është e mundur, me një grusht mandatesh që i bashkohen së djathtës, dhe gjen një kryeministër të pakorruptuar, ke larguar si kryeministër Edi Ramën, ke larguar Lulzim Bashën që mban peng dhe bën pazare me Edi Ramën, dhe krijon një qeveri të djathtë që më shumë do të jetë një qeveri e dhembshur njëherë, që të mendojë për të hapur vende pune, për të luftuar korrupsionin dhe për të sjellë investime për të ndërtuar jetën ekonomike. ", tha ajo.
Lajmi kryesor: