Olen Cezari rikthen për të pestin vit në Porto Palermo festivalin e organizuar dhe ideuar nga vetë ai. Në një intervistë për "Report TV" violinisti i njohur me famë ndërkombëtare, tregon emrat e njohur të muzikës shqiptarë dhe botërore që do të ngjiten në një skenë të veçantë, në Kalanë e Porto Palermos në Himarë, për 12 netë, nga 31 korriku deri më 17 gusht.
“Ne kemi tentuar të sjellim artistët më të mirë, më të njohur: nga Kosova, Maqedonia, Shqipëria, nga Italia, nga Kuba, nga Meksika, nga Peruja. Janë 12 koncerte që shtrihen në tre javë, çdo javë katër koncerte. E hap unë këtë vit. Hera e parë që e hap unë festivalin, por thashë si 5-vjetor të bëjmë këtë gjë.” , - thotë ai.
12 netëve të festivalit, do t’i paraprijë një aktivitet sensibiluzues me në qendër ndërgjegjësimin për ruajtjen e mjedisit, më 26 korrik.
“Nesër në orën 11:00 fillojmë eventin e pastrimit. Pastrojmë molin, pastrojmë kalanë, pastrojmë gjithë plazhet vërdallë. Nesër kemi një aktivitet shumë të bukur me shumë shoqata që po bashkëpunojnë. Mund të jenë 150 vullentarë nesër.”, -tregon artisti.
Edicioni i pestë i “Porto Palermo Festival mbledh emra të njohur të muzikës shqiptare si: Ledina Çelo, Genc Tukiçi, Deshira Ahmeti, Anamaria Beqaj, Dren Abazi, Aurela Gaçe, Marsela Cibukaj, Eda Zari, Ardian Trebicka, Kastriot Tusha, Pasha Deejay, si dhe artistë të huaj si Carlos Paz & Sin Fronteras, Alberto Laurenti, Laraine Cañizares etj. “Porto Palermo Festival” synon njëkohësisht të të shërbejë edhe për promovimin e turizmit të qëndrueshëm kulturor në Shqipëri.
Komente
