Në kuadër të operacionit "Bregdeti ynë", për lirimin e hapësirave bregdetare të zaptuara në mënyrë të kundërligjshme me shezlongë e çadra, policia e Kavajës ka kryer kontrollet dhe verifikimet në territorin e plazhit në Golem dhe Spille.
Si rezultat i kontrolleve janë evidentuar 16 parcela pa leje, 4 prej tyre në plazhe publike dhe 12 për mosplotësim dokumentacioni. Janë hequr 490 çadra dhe 980 shezlongë.
Një ditë më parë janë kontrolluar 101 parcela dhe janë liruar 28 parcela, duke hequr 802 çadra dhe 1604 shezlongë. Operacioni vijon pa probleme.
Lajmi kryesor:
Lirimi i vijës bregdetare nga zaptimet pa leje, procedohen 29 administratorë subjektesh në Fier, Vlorë, Durrës e Velipojë
M.Q.//ReportTv.al