VLORË- Një person i maskuar ka vendosur tritol pran një pallati në Orikum të Vlorës. Arsyet dhe se për kë ka qenë tritoli nuk dihen, por kamerat e sigurisë në zonë kanë filmuar autorin e maskuar, i cili pasi ka hedhur lëndën plasëse dhe ka qëndruar aty për rreth 3 minuta që të sigurohej që ajo do shpërthente.
Si pasojë nuk ka pasur persona të lënduar, ndërsa nga shpërthimi janë dëmtuar dy xhama të pallatit në katin e parë. Ngjarja sipas policisë vendore ndodhi rreth orës 03:15 (25 shkurt), në një ngushticë pas një pallati.
“Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar”, tha policia.
Po merren dëshmi dhe verifikohen pamje nga kamerat e sigurisë për të zbuluar dinamikën dhe shënjestrën e sulmit të mundshëm.
Komente
