«Këto ditë po vijnë lajme që ngjallin shumë shqetësim. Situata në Iran dhe Izrael është përkeqësuar ndjeshëm», tha Papa Leoni XIV në një apel në përfundim të audiencës jubiliare.
«Në një moment kaq delikat, dëshiroj të përsëris një thirrje për përgjegjësi dhe arsyetim – vijoi ai. – Angazhimi për të ndërtuar një botë më të sigurt dhe të lirë nga kërcënimi bërthamor duhet të ndiqet përmes një takimi të respektueshëm dhe një dialogu të sinqertë për të ndërtuar një paqe të qëndrueshme, të bazuar mbi drejtësinë, vëllazërinë dhe të mirën e përbashkët».
Sipas Papës, «askush nuk duhet të kërcënojë kurrë ekzistencën e tjetrit. Është detyrë e të gjitha vendeve të mbështesin çështjen e paqes, duke nisur rrugë pajtimi dhe duke nxitur zgjidhje që garantojnë siguri dhe dinjitet për të gjithë!»
Lajmi kryesor:
Teherani në flakë, goditen depot e naftës! Irani sulmon bazat e furnizimit me karburant të avionëve në Izrael, 8 të vrarë e 200 të plagosur (VIDEO+FOTO)
K.M/ReportTv.al