VLORE - Të shtëna me armë zjarri në qytetin e Vlorës. Report Tv mëson se ngjarja ka ndodhur pak minuta më parë në lagjen "Pavarësia".
Nga të shtënat nuk raportohet për të lënduar, ndërsa policia vijon hetimet për identifikimin e personit që ka qëlluar me armë.
Ekspertet ne vendin e ngjarjes
Ngjarja vjen pak orë pas shpërthimit me tritol në automjetin e një biznesmeni guroreje në Drashovicë. Agron Alushaj, 48 vjeç, mori dëmtime të rënda në gjymtyrë dhe fytyrë dhe ndodhet në rrezik për jetën në spitalin e Vlorës. Në makinën e tij tip "Benz" me targa AA 703 MG ishte vendosur një sasi tritoli i cili shpërtheu teksa automjeti dilte nga lavazhi, pranë një pike karburanti.
Njoftimi i policisë për ngjarjen:
Vlorë
Rreth orës 19:15, në lagjen "Pavarësia" Vlorë, në një rrugicë midis pallateve është marrë informacion për një konflikt. Menjëherë pasi policia ka shkuar në vendin në fjalë nuk ka konstatuar ndonjë konflikt të hapur apo persona të dyshimtë.
Po punohet për sqarimin e rrethanave dhe për zbulimin e personave të përfshirë në konflikt. Vazhdojnë hetimet për dokumentimin e plotë të ngjarjes.
