TIRANË- Pas rreth 3 muajsh e gjysmë, Urgjenca e re e QSUT është rikthyer në funksion. Burime për gazetaren e Report Tv, Xhoana Çallaku bëjnë me dije se punimet kanë përfunduar në urgjencën, e cila u përfshi nga zjarri në datën 11 shkurt 2024.
Nga sot dhomat në pavion që ishin jashtë shërbimi, janë rikthyer në funksion për pritjen e pacienteve, pasi janë instaluar dritat. Ndërkohë po kryhen testime për rikthimin e plotë të shërbimit të sigurt për qytetarët që pritet në javën e parë të qershorit.
30 mln lekë u alokuan për kthimin në funksion të urgjencës së QSUT, ndërkohë Prokuroria e Tiranës kërkoi një riekspertim të shkaqeve të zjarrit. Drejtoresha Albana Fiço u dorëhoq pas 1 muaji e gjysmë, nga rënia e zjarrit dhe u emërua Alma Cani.
Zjarri në urgjencën e QSUT-së që ra më 11 shkurt 2024 në katin -1 në Urgjencë, shkaktoi kolaps në repartin e urgjencave. Prej më shumë se 3 muajsh pacientët detyroheshin të shkonin për të marrë shërbim në spitale si Shefqet Ndroqi, apo edhe në rrethe në Spitalin Rajonal të Shkodrës dhe Spitalin Memorial të Fierit.
Komente
Sikur ra zjarr edhe ne spitalin e Shkodres dje?
PërgjigjuIshalla nuk vijne zjarrvenesit e Saliut
Përgjigju