Për herë të dytë bllokohet mbledhja e Këshillit Bashkiak në Shkodër.
Këshilltarët e Partisë Demokratike janë larguar nga salla, duke vendosur të bojkotojnë mbledhjen e Këshillit Bashkiak, ndërsa Partia Socialdemokrate e kishte paralajmëruar një ditë më parë se nuk do të merrte pjesë, duke e cilësuar rendin e ditës si të motivuar politikisht dhe abuziv, në prag të zgjedhjeve të 11 majit.
Zëvendëskryetarët e Bashkisë Shkodër theksuan se projektvendimet në rend dite ishin të një rëndësie të veçantë, pasi përfshinin miratimin e fondit 6% të ndihmës ekonomike për familjet në nevojë, menaxhimin e sezonit turistik në plazhet e Velipojës, dhe investime në fushën e kulturës.
Sipas përfaqësuesve të bashkisë, vendimi i bojkotit është i motivuar politikisht dhe nuk i shërben interesit të qytetarëve, të cilët presin zgjidhje konkrete dhe jo përplasje partiake.
Këshilltarët e mazhorancës e konsideruan bojkotin si një akt të turpshëm, që i vë interesat partiake mbi nevojat reale të komunitetit dhe paralizon funksionimin normal të qeverisjes vendore.
Një këshilltar i PSD Gjovalin Ndoj bëri një lëvizje surprizë këtë të mërkurë dhe vendosi t'i bashkohet grupit të PS, duke mbështetur investimet dhe zhvillimin e Shkodrës.
Ky është rasti i dytë radhazi ku mbledhja e Këshillit Bashkiak dështon për shkak të mungesës së kuorumit, duke shtyrë vendime thelbësore që ndikojnë drejtpërdrejt në jetën e përditshme të qytetarëve të Shkodrës.
Shkodër- Gara e fortë elektorale në qarkun e Shkodrës ka sjellë edhe lëvizje tek forcat politike vendore.
Gjovalin Ndoj, anëtar i Këshillit Bashkiak i zgjedhur nën siglën e Partisë Socialdemokrate (PSD), të Tom Doshit, ka braktisur sot këtë forcë politike (7 maj).
Ai ka shpallur publikisht mbështetjen e tij për Partinë Socialiste dhe për punën e kryer deri tani nga kryetari i Bashkisë Shkodër, Benet Beci.
PSD është forcë me peshë në këtë qark, teksa kohët e fundit ka pasur edhe një garë brenda Këshillit Bashkiak, ku këshilltarët e PSD kanë bllokuar disa nga projektet apoligjet e Bashkisë.
Komente
