Kati i tretë i një banese në lagjen “Partizani”, në rrugën “Ali Demi” është përfshirë nga flakët ditën e sotme, ndërsa fatmirësisht është arritur që të shpëtohet një e moshuar, e cila ndodhej brenda. Si pasojë e zjarrit ka vetëm dëme materiale pasi flakët kanë djegur një pjesë të madhe të orendive të banesës.
Në momentin kur ka rënë zjarri brenda shtëpisë ka qenë vetëm një e moshuar e cila u nxor nga banesa nga efektivët zjarrfikës dhe nuk ka marrë lëndime. Ende nuk dihet se cili qenë shkaku që shkaktoi zjarrin në këtë banesë paraditen e sotme.
Komento
