VLORË- 6 vatra zjarri janë regjistruar ditën e sotme në "Pyllin e Sodës'' në Vlorë. 2 automjete dhe 8 efektivë të forcave zjarrfikëse në terren kanë bërë të mundur shuarjen e flakëve.
Burime bëjnë me dije se kemi të bëjmë me zjarrvënie të qëllimshme, sepse efektivët bënë të mundur shuarjen fillimisht të 3 vatrave, e më pas sapo u larguan, sërish u shkaktuan 3 vatra të tjera.
Pylli i Sodës i cilësuar si mushkëri e qytetit, tashmë rrezikon shumë si pasojë jo vetëm e temperaturave të larta, por edhe papërgjegjshmërisë së qytetarëve.
Kujtojmë këtu që plani i bashkisë Vlorë ishte për ruajtje dhe survejim të Pylli të Sodës 24 orë, por kjo gjë nuk u arrit.
M.Q.//ReportTv.al
Komento
Komente
Dhimbje per djegjen e pemeve ne Pyllin e pishave te Sodes ne Vlore. Piromanet e qoftelargut jane ne ditet e tyre. Nuk bie kurre zjarri vete.
Përgjigju