Ministri i Mbrojtjes, Niko Peleshi ka bërë me dije se disa forca dhe mjete të Forcave të Armatosura janë vendosur në Kukës, në mënyrë që të jenë në gatishmëri për të ndërhyrë në Kosovë nëse do të ketë një përkeqësim të situatës nga përmbytjet.
"Forca dhe mjete nga FA janë dislokuar në Kukës, në gatishmëri për të mbështetur banorët e disa prej komunave në Kosovë, të cilat janë prekur nga përmbytjet si pasojë e reshjeve të dendura ditët e fundit. Të gatshëm të ndërhyjmë në koordinim me autoritetet e Kosovës, në rast të përkeqësimit të situatës.Me vëllezërit tanë në ditë të mira dhe të vështira", shkruan Peleshi.
Lajmi kryesor:
Përmbytjet në Kosovë, Shqipëria dërgon Ushtrinë në Kukës! Rama: Në mbështetje të banorëve që janë prekur! Ndërhyjmë po qe nevoja (VIDEO)
SI.E./ReportTv.al