Dy fëmijë kanë pësuar lëndime të lehta pas një aksidenti të ndodhur në qendër të qytetit të Dimalit rreth orës 15:00.
Gazetarja e Report Tv, Mimoza Sinanaj, bën me dije se në aksidentin e ndodhur në vendin e quajtur parku i qytetit, u përplasën një makinë tip Benz me një makinë Volkswagen. Tek ky i fundit, që drejtohej nga L.T., ndodheshin edhe fëmijët e shoferit, 8 dhe 12 vjeç, të cilët pësuan lëndime.
Të miturit u dërguan në spitalin e Beratit dhe ndodhen jashtë rrezikut për jetën.
Efektivët e policisë kryen kqyrjen e vendit të aksidentit dhe veprimet hetimore në vendngjarje, për të zbuluar shkaqet dhe dinamikën e aksidentit si dhe kanë shoqëruar në polici për të dhënë dëshminë e tij drejtuesin e mjetit Benz, shtetasin M.M.
Lajmi kryesor:
Mjeti përplaset me trailerin me targa serbe në Lezhë-Shkodër, 2 të vdekur! 6 aksidente në vend, 6 viktima dhe 9 të plagosur (VIDEO)
V.GJ /SI.E./ReportTv.al