Ish kryetari i bashkisë së Himarës, Vasil Bollano është shoqëruar në komisariat pasi teksa qarkullonte me automjetin e tij ka përplasur një 17 vjeçar i cili ka përfunduar në gjendje kome për shkak të goditjes së fortë që ka marrë nga makina.
Ngjarja ka ndodhur rreth orës 17:00 në Llogara ku Bollano duke drejtuar automjetin tip “Benz” ka aksidentuar 17 vjeçarin E.H i cili është nisur drejt Tiranës pasi gjendja e tij raportohet të jetë e rëndë.
Grupi hetimor ndodhet në vendngjarje dhe po kryen veprimet e mëtejshme për aksidentin.
17 vjeçari E.H ka kaluar në gjendje kome pasi u përplas nga automjeti tip ‘Benz’ që drejtohej nga ish kryebashkiaku i Himarës Vasil Bollano.
Për një trajtim më të specializuar, i mituri është nisur drejt spitalit të Traumës në Tiranë.
Komente
