VLORË- Dy ditë pas ngjarjes në një hotel në Pogradec, ku pushuesit u zgjuan nën zhurmën e krisjeve të armëve, një i ri ka qëlluar me armë zjarri në një hotel në Vlorë.
Mësohet se një i ri nga Vlora, i dyshuar si autor, është konfliktuar dhe ka qëlluar një herë me armë zjarri mbrëmjen e kësaj të hëne pranë parkimit të një Hoteli të vendosur në shëtitoren "Lungomare".
Dyshohet se konflikti ka qenë me administratorin e hotelit në fjalë. Autori Daniel Zotaj, 19 vjeç, njihet si person i përshirë edhe herë të tjera në konflikte.
Gjatë orëve të vona të natës, policia ka arrestuar 19 vjeçarin, në ambientet e jashtme të një hoteli në lagjen "Ujë i Ftohtë" Vlorë. I riu ka qëlluar me pistoletë në ajër dhe ka kanosur administratorin e hotelit Taulant Doka. Burime thonë se ngjarja ka ndodhur për motive të dobëta pas xhirimit të gomave.
Materialet iu referuan Prokurorisë për veprime të mëtejshme për veprën penale "Armëmbajtja pa leje" dhe "Kanosja".
Komente
19 vjec dhe me karriere.
PërgjigjuLajm i rreme i kurdisur nga ard veliu dhe artion duka kunder familjes se alaudin malaj.
Përgjigju