POGRADEC- Ali Sadikaj është mësuesi nga Starova e Pogradecit i cili ia kushtoi gjithë jetën arsimit. Tashmë në moshën 85-vjeçare tregon për Report TV, momentet e bukura të karrierës së tij, ku në vitin 1985 u vlerësua si një në 10 “mësuesit e dalluar” të Pogradecit. Ai shërbeu në profesionin e mësuesit deri në vitet e para të demokracisë ku më pas u pensionua, ndërsa jetën profesionale e kaloi në shkollën e bashkuar profesionale të Starovës.
“Kjo dekoratë u takon gjithë atyre që ishin mësues më të mirë se unë në atë shkollë. Një staf i mrekullueshëm, që i kujtoj me nostalgji”.
Qindra nxënës krijuan brezin e ri të profesionistëve, të dalë nga duart e arsimtarëve të cilët jo vetëm i mësonin por edhe edukonin brezat, ku mbi të gjitha mbizotërontë autoriteti dhe respekti. Për profesor Aliun sot kjo gjë ka humbur, fëmijet janë bërë më te padëgjueshëm dhe mësuesit e rinj nuk po e bëjnë siç duhet misionin e tyre.
“Sot në degët e mësuesisë shkojnë maturantet me rezultate të dobëta dhe jo nxënësit e shkëlqyer siç ishte dikur. Ndaj ka rënë dhe niveli i mësimdhënies. Po kështu fëmijët kanë humbur intersin, studiojnë më pak”, tha ai.
Nxënësit e viteve '70-'80 sakrifioninin në çdo mënyrë për të ndjekur shkollën, edhe pse nje pjesë e tyre ishin në kushte shumë të veshtira ekonomike, ndryshe nga fëmijet e sotëm te cilëve nuk u mungon asgjë.
“Kisha një nxënës që bënte 6 orë rrugë në këmbë për të ardhur në shkollë. I pangrënë, i lagur nga shiu por ai nuk iu nda kurrë shkollës. Po kështu vinin nxënësit e tjerë nga Mokra e largët”, tha ai.
Kritikat profesor Aliu nuk i ndal për sistemin arsimor, teksa u kujton arsimtarëve misionin e tyre fisnik.
“Arsimtari punën e ka me komunikim dhe kjo është gjëja më e rëndësishme në botë. Thuhet në librat e shenjtë se boja e shkrimit të nxënësit është më e rëndësishme se gjaku i dëshmorëve”, tha ai.
Edhe sot pas shumë vitesh, të shumtë janë ish-nxënësit, të cilët në çdo 7 Mars nuk ngurojnë t’i dërgojnë letra urimi dhe lule profesor Ali Sadikajt.
Komente
Ky citim eshte prej thenieve qe Zoti ja shpalli profetit Muhamed (paqja qofte me te), por eshte cituar gabim. "Boja e shkrimit te dijetarit eshte me e rendesishme se gjaku i deshmoreve". Pra nuk behet fjale per bojen e nxenesve, por te dijetareve apo shkencetareve.
Përgjigju/Boja e shkrimit te nxenesit eshte me e rendesishme se gjaku i deshmoreve/!! Zoteri,me gjithe respektin per punen e moshen tuaj, duhet te them se pa gjakun e deshmoreve,pa lirine e cdo gje qe sjell sakrifica e tyre,boja e shkrimit te nxenesve do te ishte e pamundur.
PërgjigjuShume respekt per Prof Aliun. Mesues i nderuar dhe njeri i persosur qe gezon respekt. I uroj shendet dhe jete te gjate
Përgjigju