17-vjeçari Emanuel Koço ka rënë në prangat e Policisë sot në Vlorë, pasi ishte shpallur në kërkim që më 31 dhjetor të vitit 2020 pasi plagosi kunatin.
Ngjarja u regjistrua në lagjen 'partizani', ku i mituri mori armën e shërbimit të babait, punonjës i paraburgimit të Vlorës, dhe qëlloi në drejtim të kunatit të tij, Xhuliano Muça, pasi ky i fundit i kishte thënë se do të ndahej nga motra e autorit.
Emanuel Koço qëlloi dy herë ndaj kunatit duke e lënë atë të plagosur dhe më pas u largua nga vendngjarja. Xhuliano Muça u dërgua në spital, ndërsa mundi t'i shpëtojë plagëve të marra.
Komento
