Në Gjykatën e Sarandës është zhvilluar sot seanca gjyqësore për caktimin e masës së sigurisë për Adriatik Bodinin, 55 vjeç, i cili më 31 mars plagosi me thikë bashkëshorten e tij, Mirjana Bodini.
Prokuroria e akuzon atë për plagosje të rëndë me dashje dhe ka kërkuar masën e sigurisë “arrest me burg”. Gjatë seancës, Bodini deklaroi se gjithçka kishte ndodhur pas një debati, pa dhënë detaje mbi shkaqet e tij. Ai shprehu pendesë për veprimin e kryer dhe nuk kundërshtoi kërkesën e prokurorisë.
Në përfundim, Gjykata e Sarandës vendosi caktimin e masës së sigurisë “arrest me burg” për 55-vjeçarin.
51-vjeçarja Mirjana Bodini u transportua në spitalin e Vlorës për trajtim të specializuar dhe ndodhet jashtë rrezikut për jetën.
Komento
Komente
