Policia ka arrestuar një 15 -vjeçar në Shkodër, pasi plagosi për vdekje me thikë mbrëmjen e sotme një bashkëmoshatarin e tij, po ashtu 15- vjeçar.
Ngjarja e rëndë ka ndodhur në lagjen “Skenderbeg”, në Shkodër, ndërsa shërbimet e Policisë gjatë këqyrjes së vendit të ngjarjes gjetën dhe sekuestruan në cilësinë e provës materiale mjetin prerës thikë që dyshohet se është përdorur gjatë konfliktit mes të rinjve.
Nga veprimet e para hetimore rezulton se dhe 15 vjeçari i dyshuar si autor i ngjarjes është dëmtuar lehtë me thikë në sup pa probleme për jetën.
"Falë veprimeve të shpejta, shërbimet e Policisë Shkodër, identifikuan dhe shoqëruan në Komisariat për veprime të mëtejshme, një 15 vjeçar që dyshohet si autor i kësaj ngjarjeje. Shërbimet e Policisë gjatë këqyrjes së vendit të ngjarjes gjetën dhe sekuestruan në cilësinë e provës materiale mjetin prerës (thikë) që dyshohet se është përdorur gjatë konfliktit, ku mbeti i plagosur 15 vjeçari, i cili humbi jetën në Spital", njoftoi policia.
Grupi hetimor nën drejtimin Prokurorisë po vijon veprimit intensive, në prani të psikologut dhe familjarëve, për të zbardhur dinamikën e ngjarjes dhe dokumentimin ligjor të saj.
Lajmi kryesor:
E rëndë në Shkodër/ 15-vjeçari vritet me thikë, autori bashkëmoshatar e qëlloi disa herë dhe u largua, ndalohet pas disa orësh! I mituri u gjet nga një kalimtar, ndërroi jetë në spital (EMRI)
S.B/ReportTv.al
