VLORË- Një konflikt në familje ka përfunduar deri me përdorimin e armëve, e për pasojë ka mbetur i plagosur një person. Ngjarja ka ndodhur rreth orës 12:00 në lagjen ‘Partizani’.
Gazetari i Report Tv, mëson se i riu me inicialet E.K ka qëllua në drejtim të kunatit të tij, pasi ky i fundit i kishte thënë se do të ndahej nga motra e autorit. Mësohet se E.K. ka marrë armën e babait të tij, i cili është punonjës i paraburgimit të Vlorës dhe ka qëlluar në drejtim të kunatit 2 herë. 25-vjeçari është dërguar me urgjencë në spital, nën kujdesin e mjekëve, ndërsa i riu së bashku me babanë e tij, A.K., janë shoqëruar në Komisariat.
Në dëshminë e tij, babai ka dhënë versionin e plotë të ngjarjes ku ka deklaruar “më ka marrë armën dhe ka qëlluar 2 herë në drejtim të personin duke e lënë të plagosur dhëndrin”.
I afërmi i vajzës, thotë se çifti i të rinjve kishte pasur një konflikt, pasi djali i kishte kërkuar ndarjen.
“Altini është dhëndri im. Ngjarjen e mora vesh nga shtëpia. S’ka pasur konflikt me kunatin, e ndau ai, tani nuk e dimë si e ndau si e bëri, çupa ishte te ne. Xhuljano është ndarë 2-3 ditë, nuk është ndarje ajo. Nusen e Xhuljanos e kam mbesë, nuk e di si ka ndodhur gjë”, tha i afërmi.
