KELCYRE - Largimi i Policisë nga stadiumet dhe garantimi i sigurisë nga policia private apo bashkiake ka sjellë pasojën e parë. Sot është anuluar ndeshja Këlcyra-Tepelena e vlefshme për kategorinë e dytë, pasi Policia Bashkiake nuk mori pësipër garantimin e ndeshjes.
Pas pritjes për mbi 40 minuta në fushë, arbitrat kanë vendosur anulimin. Ndërkohë që Policia e Rendit ka qenë jashtë fushës së futbollit të Këlcyrës. Per rrjedhoje takimi nuk i zhvillua. Nuk dihet cili do të jetë vendimi i FSHF-së për këtë takim. Takimet e kaluara mes këtyre dy ekipeve kanë prodhuar tensione dhe incidente në fushë dhe marrja e masave nga policia duhet të ishte domosdoshmëri për të parandaluar problematikat që mund të lindnin gjatë takimit.
Ekipe të tjera po e zgjidhin këtë problematikë duke mbyllur dyert e stadiumeve për tifozët, një situatë skandaloze duke i dhënë një goditje të madhe evenimenteve sportive. Vendimi për të larguar Policinë e Shtetit nga stadiumet është kundërshtuar edhe nga ekipet e Superiores. Të gjithë drejtuesit e ekipeve të Superiores kanë kërkuar nga FSHF që ta rishikojë këtë vendim dhe të kthejë policinë në stadiume.
Nuk dihet cili do të jetë vendimi i FSHF-së për këtë takim. Takimet e kaluara mes këtyre dy ekipeve kanë prodhuar tensione dhe incidente në fushë dhe marrja e masave nga policia duhet ishte domosdoshmëri për të parandaluar problematikat që mund të lindnin gjatë takimit.
Komente
Policia bashkiake e Kelcyres nuk eshte si ajo e lali Erit..ka vetem dy efektiva sa per dijeni
Përgjigju