Vlore- Një depo e vërtetë armatimi, si t’i përkiste një formacioni ushtarak të mirëfinancuar, është zbuluar paraditen e kësaj të enjteje (7 mars 2024) në një banesë në fshatin Babicë në Vlorë.
Snajper, pjesë përbërëse të armëve luftarake, pistoleta, qindra fishekë, 7 kallëpe lëndë eksplozivi plastik, silenciatorë për armët, 4 dylbi optike, 2 palë dylbi optike vëzhgimi, radiomarrëse me valët e Drejtorisë së Policisë Vlorë, targa dhe çelësa makinash, maska, fenelina dhe veshje të ndryshme janë zbuluar nga policia në operacionin e koduar ‘Knock Out 6’. Mes armaturës nuk mungon edhe një pistoletë stilolaps me 20 fishekë.
Gazetari i Report Tv Armand Xhelili raporton se operacioni u krye pas monitorimit të godinës dhe personave të dyshuar prej dy muajsh. Në operacionin e zhvilluar në orët e para të mëngjesit, forcat RENEA gjejnë bazën e armatimeve, një pjesë të të cilave ishin fshehur në papafingon e vilës dy katëshe.
Policia sekuestroi një mori armatimi, municion luftarak, lëndë shpërthyese si dhe sende të tjera të cilat dyshohet se janë përdorur apo do të përdoreshin për ngjarje të rënda kriminale. Gjatë aksionit është arrestuar Luçiano (Albano) Deraj i cili dyshohet se është i lidhur me grupet kriminale. 35-vjeçari u prangos ndërsa ishte në dhomën e gjumit, i shtrirë në krevat, por dyshohet se të tjerë persona janë të përfshirë në këtë aktivitet kriminal pasi baza e armëve shërbente si "supermarket" për të furnizuar me armë eksponentë të krimit.
Armët dhe pajisjet e sekuestruara do t’i nënshtrohen një ekspertize teknike, biologjike dhe balistike, për të rënë në gjurmët e personave të tjerë të përfshirë si dhe të verifikohet nëse armët e zjarrit janë përdorur në ndonjë ngjarje kriminale.
Kujtojmë se edhe në muajin shkurt policia e Vlorës, në bashkëpunim me Prokurorinë, gjatë operacionit të koduar “Knock Out 4 dhe 5” sekuestroi një tjetër arsenal armësh zjarri ndërsa në pranga ranë vëllezërit Haredin Ogiçi, 61 vjeç dhe Huso Ogiçi, 56 vjeç.
2. Pjesë përbërëse arme luftarake për formimin e 2(dy) armë te tjera zjarri pushkë snajpere.
3. Një armë zjarri pistoletë, e markës Zastava, kalibri 10-mm, me ” dhe dy krëhëra me fishekë të po këtij kalibri.
4. Një arme Pistoletë-Stilolaps me ngjyrë Bronxi dhe një sasi prej 40 fishekësh të kalibrit 5.6-mm.
5. Një armë , e future në këllëf, e kalbirit 12mm, e prodhimit Rus
6. Dy kuti plastike me material ndihmese per mirembajtjen e armeve snaipere.
7. Mine e pershtatur me cellular dhe eksploziv plastic si dhe shtatë copë kallëp lëndë eksplozive plastik te kapaciteteve 200 dhe 400gr.
8. Kater silenciator me trup metalik me ngjyrë të Zezë për armë te gjata
9. Një Dylbi Optik termik me ngjyrë ushtarake me mbishkrimin NUC FOR BEST IMAGE,me gjatësi 41-cm me shikueshmeri naten
10. Katër dylbi optike si ato që vendosen në armët e zjarrit për shënjestër në largësi.
13. Dy palë dylbi optike vëzhgimi.
14. Akesorë plotësues për shënjestra optike të armëve të zjarrit.
15 Një kuti plastike me ngjyrë të Zezë Brenda së cilës gjenden 200 copë fishekë 9-mm.
17. Nje sasi e madhe fishekesh të kabibrit 7.65-mm dhe 45 krehera automatiku fishekë të kalibrit 7.62, model 56 dhe një sasi e madhe fishekësh të po këtij kalibri
18.Nje sasi e madhe fisheke kaliber 12 mm
19 Disa mijera fisheke luftarake calibrave te ndryshem , ndezësa granatash dore.
20. Disa aparate telefonik cellular qe do I nenshtrohen ekspertizes
21. Një radio marrëse-dhënëse, me mbishkrimin BOATHENG, me karikuesin e saj ne vale te DVP Vlore
22. Një pajisje me antenë me mbishkrimin DETECTOR K18 RFGS.
23. njësi qëndrore kompjuteri e markës HP, dhe DVR
24. Nje numer i madh targash automjetesh dhe celesash te ndryshem automjetesh
25. Disa maska me ngjyre te zeze dhe maska silikoni me imazhin e kokes se njeriut.
26 Disa fenelina policie e veshje te ndryshme.
Report Tv ka siguruar pamje nga afër të pistoletës stilolaps që është gjetur në depon e armëve gjatë operacionit “Knock Out 6” në Babicë të Vlorës.
Ky është momenti kur policia dhe RENEA mësyjnë në depon e armëve në Babaicë të Vlorë ku kanë gjetur armë të rënda që dyshohet se janë përdorur në ngjarje kriminale. Në pamje shihet dhe momenti kur policia arreston rojën e arsenalit Albano Derajn në dhomën e gjumit.
Albano (Luçiano) Durajt
Report Tv ka siguruar foton e Albano (Luçiano) Durajt, personit që u arrestua ditën e sotme nga policia e Vlorës për bazën e armatimeve të zbuluara në Babicë.
Dyshohet se i riu me 2 emra, që ruante bazën e armatimeve, është pjesëtar i një grupi kriminal. Në konferencën për shtyp Drejtori i Drejtorisë Vendore të Policisë Vlorë Drejtues Ermal Muçaj, tha se dyshohet se armët e zbuluara, të jenë përdorur në 2 ngjarje kriminale të ndodhura koha më parë në qytetin bregdetar.
"Jam sot ketu, për t’ju përcjellë rezultatet e operacionit policor të koduar “Knock Out 6”, i cili është zhvilluar në zbatim të masave të përcaktuara në planin operacional kombëtar të koduar “Sundimi I Ligjit”, me qëllim parandalimin e ngjarjeve të mundshme me pasoja të rënda kriminale.
Strukturat e Drejtorisë Vendore të Policisë Vlorë me mbështetjen e Forcave Speciale “Renea , janë përfshirë në veprime të thelluara hetimore dhe operacionale, për të bërë të mundur parandalimin e ngjarjeve kriminale, dokumentimin e aktivitetit të grupeve kriminale, identifikimin e anëtarëve të tyre dhe vënien përpara drejtësisë.
Falë informacioneve të siguruara dhe të vërtetuara në rrugë operative, per subjektin Luciano Deraj alias Albano Deraj, banues në Babic te madhe Vlore ,nen hetim nga ana jone per kryerjen e dy veprave te renda kriminale ndodhur disa kohe me pare ne Vlore, i cili posedonte një arsenal armësh, municonesh luftarake dhe lëndë shpërthyese, per llogari te tij dhe personave te trete anetare te nje grupi kriminal ne qytetin e Vlores te cilit i atribuohen disa ngjarje kriminale.", tha ai.
Gazetari i Report Tv Armand Xhelili ka siguruar pamje të armëve që janë sekuestruar në depon e zbuluar gjatë aksionit të policisë në Babicë të Vlorës. Mes armëve shihen maska me imazh njeriu, snajper, kallashnikovë, fishekë luftarakë, minat me telekomandë, e deri te pistoletat stilolaps.
Komente
po ca shteti eshte ky, qe i le keta kriminele ne rruge!
PërgjigjuNje dhjarr me pak
PërgjigjuIk fshatar kalbu tani se po spiunove do te spiunojne
Përgjigjuki esht çeri i gugus ose ergusit
E ta mendosh qe drejtori i Policise se Vlores Ermali mbeshtet grupin qe eshte kunder ktyre te Babices. Prandaj vrihesh ne Vlore, se luajne ata te uniformes e nderkohe Rama thote jo ska korrupsion.Del dora e pare e mallit tani, se goditen kot kete nipin e Babices, u hap rruga atyre te transballkanikes dhe ujit te ftohte. E ben Vlore si bagdati
Përgjigjuermali mer rogen nga krimi elet e vlores ju be von se po vrien po si di as rama keto gjera as balla
Po ti thuaj eshte bere Vlora si Roterdami apo Antwerp, se droga dhe vrasjet nuk jane problem aktualisht ne Badgat. Apo tingellon bukur po ta thuash qe i ngjan nje qyteti holandez apo belg, megjithese Vlora eshte vite larg atyre me mire per siguri dhe trafiqe. Nuk thua shyqyr e kane kapur kete bazen dhe mbase zbulojne dicka me teper, por terci-verci si provincial katundi. A u kap para 1 muaji nje baze tjeter armatimi ne qender te Vlores, apo atehere ishte muhabeti qe po ndihmohej grupi i Babices? Kokecep.
Kush eshte ky grupi I babices se se kemi degjuar ndonjeher?
Cne kta vromjaret te jen kundershtar me ata te ujit te ftoht o vlora ata skan rival te marrin para me kuc e me mac kta jan mbushesa topi banda fluide
Një herë e një kohë krimi ishte shteti i nongratës, sot janë ortakë
Rama nuk ka si te thote qe shteti dhe krimi jane ortake or teeeejjjjj