Shkrimtari Preç Zogaj mori pjesë në homazhet për Ismail Kadarenë. Ai u ndal edhe në një prononcim për mediat, ndërsa kujtoi edhe takimet me Kadarenë.
Vdekja e tij do shërbeje për të rivendosur në lartësinë e merituar konceptin për letërsinë. Ka një keqkuptim për letërsinë sot, se shumë autorë, nuk e startojnë nga majat. Majat janë fillesat e gjithë atyre që fillojnë.
Takimi i fundit me Kadarenë? Takimet e fundit kanë qenë spontante gjatë shëtitjeve të tij, ose në ndonjë kafe. Jam takuar në bulevard jemi ulur në kafe. Kadareja ka qenë disi i sofistikuar, duhet të zotëroje një lloj kodi për komunikimet me të. Shakatë e tij nuk ishin të rëndomta. Kjo është mbresa që kam ruajtur, nuk bëhej kurrë banal. Dinte të qëndronte gjithnjë mbi, duke i thënë të gjitha.
Shkrimtari që ka dijen e dhuntisë, ka një mision ta ruajë dhuntinë. Kadare këtë bëri, e sendërtoi dhuntinë me vepra që themeluan letërsinë e re moderne shqipe.
Lajmi kryesor:
Lamtumirë Ismail Kadare! Homazhe publike në TKOB e ceremoni familjare varrimi! Edhe nga Kosova e Maqedonia e Veriut nderuan kolosin e letërsisë shqipe
SI.E.//ReportTv.al