KUKËS - Prefekti i qarkut të Kukësit, Zenel Kuçana refuzoi vendimin e Këshillit të këtij qarku për heqjen e titullit të nderit për Veton Surroin.
Kuçana thotë se ligji nuk e parashikon dhe nuk i jep tagër këshillit të qarkut për të hequr titujt e nderit. Veton Surroi mori titullin qytetar 'Nderi i Qarkut Kukës' në 2015.
Publicistit të njohur iu hoq titulli i nderit me një vendim të marrë nga Këshilli i Qarkut të Kukësit më datë 27 nëntor me motivacionin se ai ka dalë kundër luftës së UÇK dhe interesave të shtetit të Kosovës.
Për këtë çështje reagoi kryeministri Rama duke e cilësuar lajthitje kolektive dhe se parlamenti duhet të ndërhyjë dhe të sqarojë njëherë e mirë dhënien e titujve dhe medaljeve që vetën në vendin tonë jepen dhe hiqen me absurditetin më të madh.
Menjëherë pas kritikave të kryeministrit, kreu i Bashkisë së Kukësit, Safet Gjici ka bërë prapa kthehu duke kërkuar ndjesë për këtë vendim të nxituar. Gjici shprehet se nuk e mendoi gjatë vendimin dhe se u rrëmbye nga kërkesa emocionale e 57 familjeve të Dëshmorëve të UÇK-së.
Komente
Pleh dhe suxhuk Kosove.
Përgjigju