Presidenca ka reaguar në lidhje me dekretimin e Kryeministrit Edi Rama ditën e sotme, i cili ka dhe përgjegjësinë për të ngritur Ministrinë IA.
Në një reagim për mediat, Presidenca sqaron se Bajram Begaj nuk ka dekretuar asnjë ministër sot, përveç Kryeministrit Edi Rama.
Në Dekretin për Ramën, në nenin 2, sqarohet edhe që Kryeministri do të ushtrojë edhe përgjegjësinë për ngritjen dhe funksionimin e Ministrisë Virtuale të Inteligjencës Artificiale “Diella”.
Ndërkohë, sqaron Presidenca, ministrat e qeverisë do të betohen ditë të tjerë.
Reagimi i Presidencës:
Sot Presidenti i Republikës ka dekretuar vetëm Kryeministrin. Ministrat do të dekretohen në një ditë të mëvonshme.
Baza kushtetuese e dekretit ndodhet në rreshtin hyrës të tij.
Dekretimi i Kryeministrit bëhet sipas propozimit të partisë fituese në zgjedhje.
Neni 2 i dekretit e ngarkon Kryeministrin me një funksion specifik, gjithashtu sipas të njëjtit propozim.
Sa i takon referencave për nenet 102 dhe 103, Kryeministri i plotëson kushtet dhe kërkesat e parashikuara në këto dy nene.
Lajmi kryesor:
Begaj mandaton Ramën për formimin e qeverisë së re: Do ushtrojë përgjegjësinë për ngritjen e funksionimin e 'ministres' AI! PD: Antikushtetuese (DEKRETI)
V.GJ /ReportTv.al
