VLORË - Klubi i Futbollit Flamurtari është shumë pranë një prej ndryshimeve më të rëndësishme në historinë e tij, pasi privatizimi i shumëpritur pritet të nisë së shpejti. Këshilli Bashkiak i Vlorës do të mblidhet javën e ardhshme për të miratuar shtyrjen e afatit të administrimit aktual, por kësaj here me një ndryshim të rëndësishëm. Afati do të vlejë deri në nisjen e procedurës së privatizimit dhe jo më me një afat të përcaktuar njëvjeçar.
Sinan Idrizi, i cili ka administruar Flamurtarin që nga viti 2014, pritet të vazhdojë drejtimin deri në momentin kur do të zyrtarizohet kalimi te investitorët, me Idrizin që do jetë i pari që do kërkojë presidencën. Gjatë gjithë këtyre viteve, Idrizi ka mbajtur i vetëm barrën financiare të klubit, ndërsa Bashkia e Vlorës e cila është ende pronare ligjore e skuadrës, nuk ka kontribuar financiarisht për më shumë se një dekadë.
Vendimi që pritet të merret të enjten në mbledhjen e radhës të Këshillit Bashkiak shihet si hapi i parë konkret drejt privatizimit të Flamurtarit, një kërkesë që vetë Idrizi e ka përsëritur prej vitesh.
Ky zhvillim mund të hapë një kapitull të ri për klubin vlonjat, i cili kërkon suksesin pas rikthimit në elitë pas pesë vitesh.
Komente
Po ai muhabet dihet qe Sinani ka qellime te tjera dhe shtyhet nga harixhijnte e Turqise. Po keshtu eshte kur nuk i del zot dikush tjeter klubit dhe skuadres
PërgjigjuIIdrizi Nuk kishte mora Jo te drejtonte Flamurtarin Te Jane mire ata osumbacet qe hedhin dollaret per qellime te tjera Te jeni te sigurt qe idrizi do ta fitoj
PërgjigjuKomplimente zoti Idrizi! Por, mos e islamizo Flamurtarin se edhe vet turku nuk do ta deshironte kete.
PërgjigjuTurp i madh se si është katandisur flamurtari i Vlorës....
Përgjigju