Drejtuesi i Shërbimit Informativ Shtetëror Helidon Bendo ka qenë i pranishëm në Komisionin e Sigurisë Kombëtare për të prezantuar kërkesat për buxhetin e 2019.
Në fillim të seancës kryetarja e Komisionit, Ermonela Felaj e ka uruar për detyrën, pasi Presidenti vendosi ta dekretojë pas një viti nga propozimi i kryeministrit Rama. Ndërkohë që diskutimi për buxhetin është zhvilluar me dyer të mbyllura, pasi Bendo është shprehur se ‘’Procesi është i klasifikuar”.
Por, gazetarja e Report TV, Esiona Konomi ka zbardhur kërkesat e SHISH për buxhetin e 2019 te Komisioni i Sigurisë. Në zërin për pagat e informatorëve, SHISH kërkon 31 milionë lekë shtesë për të paguar 5 “koordinatorë të rinj” jashtë vendit.
Shtesa kërkohet për të paguar informatorët jashtë vendit dhe familjarët e tyre që do të zhvendosen. Gjithashtu SHISH planifikon 17 mln lekë për blerjen e pajisjeve përgjuese dhe 21 mln për blerje të automjeteve.
Në dokumentet e siguruara nga Report Tv vërehet se SHISH-it me urdhër të kryeministrit Edi Rama i janë shtuar edhe 85 punonjës në organikë duke e dërguar në total numrin në 998 nga janari i vitit 2019.
Por sipas SHISH kjo rritje nuk ka efekt në buxhet, pasi bëhet fjalë për shërbimin e sigurisë që deri tani realizohet nga të tretë, ndërsa nga 1 janari i 2019 do të përfshihet në strukturën e brendshme të këtij institucioni.
Prej një viti SHISH drejtohet nga Helidon Bendo, i cili deri tani ka qenë i komanduar, ndërsa dje Presidenti e dekretoi duke pranuar propozimin e kryeministri Edi Rama.
.jpg)
.jpg)
.jpg)
Dokumentet e Komisionit të Sigurisë për SHISH
Komente
