Kryeministri Edi Rama ishte në Berat ditën e sotme ku pati një takim maratonë me përfaqësues të teknologjisë.
Takimi, që ishte i ndarë në dy sesione, pas nisjes së pushimit të parë, filloi me fjalën e Ramës për të dhënë konkluzionet.
Kreu i ekzekutivit e nisi fjalën duke vlerësuar verën e zonës së Beratit dhe Kuçovës. E fill pas kësaj, që me humor e konsideroi si publicitet, Kryeministri nisi me dhënien e lajmeve.
“Duke qenë se jemi në mes të sezonit turistik, dua të përfitoj nga rasti t’ju them të gjithë dashamirësve apo kuriozëve që shtohen dita-ditës, të verës shqiptare, se vetëm nga kjo kantinë kanë kaluar 30 mijë degustatorë, dhe ndërkohë kjo zonë, Kuçova dhe Berati, janë bërë një destinacion i shumë më tepër vizitorëve vetëm për rrugën e kantinave të verës. Publiciteti mbaroi, kthehemi të japim lajmet”, deklaroi Kryeministri.
Lajmi kryesor:
Rama: Bankat, prapambetje për dixhitalizimin e transaksioneve financiare! Ministër Shteti për Inteligjencën Artificiale
V.GJ /SI.E./ReportTv.al