Superliga shqiptare e futbollit mbylli raundin e 32-të. Të hënën e 31 marsit u zhvilluan dy sfidat e mbetura, ku te tri pikët dolën Egnatia dhe AF Elbasani. Tension mes tifozëve në sfidën e "Elbasan Arenës", teksa Tirana sheh fundin. Në krye qëndron Egnatia.
Në "Adush Muça" të Ballshit, vendasit e Bylisit u mposhtën 0-2 nga Egnatia. Në krye të renditjes, kampionët në fuqi me këto tri pikë e kanë 'blinduar' një vend në "Final 4". Pjesa e parë nuk dhuroi gola, ndërsa për të zhbllokuar rezultatin u kujdes Regi Lushkja që në minutën e 48-të shënoi një gol shumë të bukur. Më pas ishte Guindo që gjeti rrjetën, duke ndëshkuar ish ekipin e tij.
Dramë për Tiranën në "Elbasan Arena". Klubi më i titulluar në Shqipëri u përmbys 2-1 nga vendasit e AF Elbasanit dhe e sheh veten në fundin e renditjes, një hap larg rrëzimit në Kategorinë e Parë si tetë vite më parë. Përgjoni kaloi Tiranën në epërsi pas 11 minutave lojë, por Kristi Qose me dopietën në minutat 72 dhe 90+3 përmbysi gjithçka. Tanimë AF Elbasani shikon nga zona "Final 4". Pas ndeshjes pati tension dhe të shara në distancë mes tifozëve, me policinë që u kujdes për të mbajtur në kontroll situatën, duke shmangur përleshjen fizike.
Raundi që vjen luhet të diel dhe të hënë, ndërsa spikat derbi mes Tiranës dhe Partizanit që luhet në "Arenën Kombëtare" më 7 prill në orën 20:00. Elita e vendit është katër javë nga fundi i sezonit.
Superliga, raundi 32:
E diel, 30 mars 2025
17:00 Skënderbeu 4-1 Dinamo
27:00 Partizani 1-0 Laçi
20:00 Vllaznia 0-0 Teuta
E hënë, 31 mars 2025
15:00 Bylis 0-2 Egnatia
15:00 AF Elbasani 2-1 Tirana
Renditja:
AF Elbasani përmbysi 2-1 Tiranën në "Elbasan Arena". Dueli u shoqërua me tension nga të dyja anët e tifozëve, me policinë që kishte marrë masat e duhura duke shmangur një përleshje fizike.
Të njohur për rivalitetin mes tyre, ultrasit e AF Elbasanit dhe Tiranës lëshuan gjatë gjithë 90 minutave arsenalin e të sharave me "libër shtëpie" në drejtim të njëri-tjetrit.
Pas përfundimit të sfidës, vendasit shkuan poshtë tribunës së miqve, me tensionin jashtë stadiumit që u shmang nga policia. Edhe aty nuk munguan flakadanët edhe "lumi" i të sharave.
'Tigrat Verdheblu' dhe 'Tirona Fanatics' prej vitesh kanë përplasje mes tyre, ndërsa këtë herë u izoluan vetëm në ofendime.
AF Elbasani 2-1 Tirana, 31 march 2025 - 'Elbasan Arena'. Ultras, hooligans, Tigrat Verdheblu vs Tirona Fanatics - Elbasan, Albania pic.twitter.com/P2uZ0u3fqB
— News video (@Newsvideo13) April 1, 2025
Komente
