Kryeministri Rama dhe ministri Manja, gjatë aktivitetit sot me të rinjtë, pas batutave
Teksa mori pjesë sot në aktivitetin e zhvilluar për Programin e Praktikave të Punës, te “Pallati i Brigadave”, kryeministri Edi Rama nuk i mungoi edhe batutat me të rinjtë e pranishëm që aspirojnë Administratën shqiptare.
Kreu i qeverisë i nxiti ta shfrytëzonin këtë mundësi me meritokraci, duke thënë se konkurset nuk janë false dhe vendet e punës nuk bliheshin me miq.
Për këtë bëri edhe batutë me ministrin e Drejtësisë, Ulsi Manja të pranishëm, i cili ka shpërthyer me të qeshura së bashku me të pranishmit, kur Rama përmendi se jo me patjetër “duhet të jesh nga Dibra” apo “të kesh kushëri Ulsiun”, për t’u punësuar në administratë.
“...Ka një fakt që është i pavërtetë dhe që merret i mirëqenë. Që të hysh në administratë duhet patjetër që të jesh nga Dibra, si Ulsiu (Manja), ose të jesh patjetër me Partinë Socialiste, ose ta kesh patjetër kushëri. Unë nuk e di sa nga ju kanë kushëri Ulsiun, ose kushdoqoftë tjetër, ose ndonjë lidhje tjetër, por në Kryeministri kam takuar shumë nga ata si ju më parë dhe që hynë në praktikën e punës, e pastaj filluan dhe punë...”, u shpreh kryeministri.
Lajmi kryesor:
Programi i Praktikave të Punës, Rama të rinjve: Shfrytëzojeni këtë mundësi në Administratë, sot na shohin me respekt! Deri dje na konsideronin si komshi që duhej hequr qafe!
A.Q//ReportTv.al
