Vlorë- Kryeministri Edi Rama ka mbërritur mbrëmjen e sotme (22 mars) në qytetin e Vlorës, ku do të qëndrojë deri të dielën në mbrëmje.
Kreu i qeverisë mësohet se do të ketë një agjendë të ngjeshur me takime të gërshetuara, politike dhe vizita apo inspektime punimesh.
Fillimisht kryeministri Rama do të takohet me kandidatët e qarkut Vlorë në Lungomaren e re, një takim ky që do të nisë që në orët e para të mëngjesit, për të vijuar edhe me takimet me operatorët turistikë, si dhe inspektime të punimeve në Muzeun Hebraik dhe më gjerë.
Në orët e drekës do të ndalet në inspektimin e Bulevardit të Palmave dhe agrumeve, si dhe në rrugën Bunavi-Kërkovë.
Në mbyllje të aghendës, Rama do të bejë takim edhe me strukturat e PS-së pranë Pallatit të Kulturës, në kuadër të përgatitjeve dhe fushatës elektorale për zgjedhjet parlamentare të 11 majit.
Komente
