Kryeministri Edi Rama gjatë takimit me qytetarët në Pogradec, u ka kërkuar që në 14 maj të kujtojnë se para se bashkia të ishte në duart e PS, në pjesën më të madhe të qytetit nuk kishte as ndriçim.
Ndërsa në formë batute, ai u kërkoi grave që në 14 “të mbyllin në shtëpi” burrat demokratë për të mos i lënë të votojnë për kandidatin që përfaqëson Metën dhe Berishën të cilët sipas tij duan të fitojnë bashki vetëm për t’i mbajtur peng.
“Në 14 maj kam besim të madh tek gratë. Burrat të na japin atë votën e tyre, faleminderit shumë, edhe tëvazhdojnë të luajnë dhe të kuvendojnë. Gratë jam i bindur se do na japin shumë më tepër se aq. Nëse ndonjë nga ato zonjat që kanë burrat me mendjen mbrapa dhe thonë nuk kam çfarë i bëj burrit se është i djathtë. Do i thoni po mirë more si do dalësh nga shtëpia e do mbash rradhë për të votuar Like Floririn?
Se edhe atë tjetrin hajt më, po se ke fare në fletë votimi. Tjetri ikën nga fleta votimit, ti voton ta fushësh prapë. Ja ku u katandis PD e madhe, në dorën e Like Floririt. Gratë e kuptojnë mirë këtë punë. Tani turruni nëpër gjitonë edhe burrë më burrë, koka mbrapa, çelësi i mbyllur brenda”-tha Rama.
Lajmi kryesor:
Rama në Pogradec dhe Korçë: Projekte me vlerë miliona euro realizohen së shpejti! Lufta e non-gratave bëhet për të marrë peng bashkitë
B.V//ReportTv.al