TIRANE-Kryeministri Edi Rama ka reaguar për herë të parë për rastin e Xhisiela Malokut, e cila u dhunua nga djali i deputetit të Krujës, Rraja. Shefi i qeverisë përmes një statusi në Twitter u shpreh se dhuna ndaj vajzës është e pafalshme, por shton se policia ka bërë detyrën pa i bërë asnjë favor djalit të deputetit. Referuar akuzave të shumta nga opozita në ditët e fundit, Rama thotë se ‘i pafalshëm është abuzimi politik me vajzën’.
Dhuna ndaj vajzës është e pafalshme!Po aq i pafalshëm është abuzimi politik me vajzën. Policia ka bërë detyrën pa i bërë asnjë favor djalit të deputetit. Ata që hungërrijnë si derra në llucën e gërrgërreve politike e mediatike po ridhunojnë vajzën. Për ne askush s'është mbi ligjin
Edi Rama
Ndërsa pas statusit të Ramës nuk ka vonuar reagimi i kryetarit të PD, Lulzim Basha po në rrjetet sociale, që akuzon kryeministrin se në vend që të mbrojë vajzën, amniston përdhunuesin dhe kriminelët e grupit parlamentar.
Edi Rama është i zhytur aq thellë në kalbësirën e krimit dhe drogës të pushtetit, sa nuk ka më asnjë gram ndjeshmërie prindërore për një vajzë të përdhunuar dhe të torturuar nga banda e tij. TURP! Në vend që të mbrojë vajzën jetime, amniston përdhunuesin dhe kriminelët e grupit të tij parlamentar Taulant Balla dhe Rrahman Rraja, njësoj siç bëri me përdhunuesin Elvis Roshi dhe trafikantin e vajzave Arben Ndoka. Krimi shtetëror është projekti personal i Ramës. Ne do ta çmontojmë nga rrënjët! Politika do të pastrohet nga krimi.
Reagimi i kryetarit te PD, Lulzim Basha
Rasti i Xhisiela Malokut ka trazuar politikën shqiptare në javën e fundit me akuza dhe kundër akuza nga opozita dhe shumica. Historia nisi nga dëshmia e policit në komisariatin e Fushë-Krujës, Emiljano Nuhu i cili deklaroi se ishte kërcënuar me pistoletë në kokë për të mbyllur dosjen e hapur për akuzën e përdhunimit në ngarkim të djalit të deputetit të Partisë Socialiste, Rahman Rraja.
Ai akuzoi vëllain e deputetit se i ka vënë pistoletën në kokë, vetë deputetin Rraja, kryebashkiakun Artur Bushi dhe Taulant Ballën se ishin në mesin e 10 personave që e kërcënuan. N/komisari Emiljano Nuhu deklaroi se u kërcënua prandaj u arratis nga Shqipëria në datë 13.09.2018 duke braktisur detyrën, ndërsa kërkoi azil në Zvicër.
Kryetari i grupit të PS Balla, deputeti Rraja dhe kryebashkiaku Bushi kanë mohuar akuzat, ndërsa edhe vetë vajza mohoi të gjitha pretendimet e ish-oficerit të policisë. Report Tv publikoi dje ekspertizën mjekoligjore të kryer në trupin e 25-vjeçares, Xhisiela Maloku, në momentin që ajo ka bërë denoncimin ndaj ish të dashurit të saj Rexhep Rraja. Në këtë akt ekspertim një element i rëndësishëm për hetimin thuhet se ka pasur dëmtime në trup me mjet mbretës dhe cigare.
Ajo tha në një intervistë për Report Tv se tërhoqi kallëzimin në polici sepse ndihej e ngarkuar emocionalisht dhe se e kishte zgjidhur mosmarrëveshjen me Rexhep Rrahjen, por dje u zbulua procesverbali i plotë me dëshminë para oficerit të policisë gjyqësore.
Ndërkohë që dje, Drejtorja e SHÇBA, Anila Trimi ka përgënjeshtruar akuzat e ish-oficerit të policisë së Fushë Krujës, Emiljano Nuhu, lidhur me pretendimet se është kërcënuar me jetë në zyrën e tij, brenda stacionit të policisë së Fushë Krujës. Trimi tha se pas verifikimeve dhe shqyrtimit të pamjeve filmike, ka rezultuar se personat e pretenduar nga Nuhu nuk kanë qenë të pranishëm në datën 21 korrik në ambientet e policisë.
Komente
Kur do qerohet Lul Babalja se la nam,eshte bere agresiv e ka trashur zerin,eshte teper qesharak ky Don Kishoti i PD-se,nje lapanjoz i peshtire.
PërgjigjuBla bla bla bla bla bla bla bla bla bla ngjoni popull nuk eshte shaka do boj xhamia per sevda
Përgjigjupsenuk hetoni te jeme xhesile qe kalidhje me grupi
Përgjigjupo sikur daja xhesilje qe ka daja veli arapi qe ka kercenuar djali deputeti pse nuk hetoni daje xhesileqe e ka kercenuar viti 97 ne berate deputetiraja bashke me moter
PërgjigjuSi te urdheroje lartmadheria juaj...Policia nuk ka bere asnje favor...Ne jemi plebej te thjeshte dhe se kemi kapacitetin te mendojme si ju...
PërgjigjuSe favorizoj policia ?? Po ne komisariat kur shkoj me pistolete ?? Turp palo legen
PërgjigjuPo si nuk ke turp dhe vazhdon me kete muhabet duke e mbrojtur akoma. Ajo e shkreta ka shkuar gjithe ato here dhe me zor i kane marre deklarim. Brenda duhet te shkojne te gjithe, nga i biri, i jati e xhaxhai
Përgjigjukur do fillosh me arresimet politike? se ne fillim i shikoja per gallat babalet tani po me bejne me vjell
PërgjigjuPervecse nuk e ndaluan per shpjegime dhe per ta pyetur asnje favor tjeter
PërgjigjuMir qe kryeminisri reagon ;Por e rendesishme eshte c'far thot,per problemin xhisiela.Te quash te keqen me te madhe ,mbrojtjen qe i ben opozita Xhisiele,-nga dhunuesit e saj-!As me shum e as me pak,sigura keni humbur ekulibrin.Si eshte e mundur qe shqiperise i vjen e keqia gjithmon, nga ata qe kan vetem celsat e kashtes .Por edhe faktori-Nuhu-ai bukeshkal ,qe na nxiu faqen ,me ate denancime,eshte nje faktor . Por ne qeverisia ,do te zvarrisim e xarrisim e do ta hedhim dege me dege kete ngjarie ,sa dhe juve o popull do tu bejme ,shkurre e shkarpa.