Personi në foto është Kamber Sulçaj 48 vjeç, autori i vrasjes së biznesmenit italian në Tepelenë.
48-vjeçari Sulçaj është i shpallur në kërkim nga policia për 3 vepra penale; vrasje në rrethana të tjera cilësuese në mënyrë të rrezikshme për jetën e shumë personave, armëmbajtje pa leje dhe prodhim e shitje narkotikësh.
Ai është nga Mesapliku i Vlorës dhe akuzohet për vrasjen e biznesmenit italian Edoardo Sarchit.
Ngjarja ka ndodhur për motive krejt banale. Mes tij dhe viktimës, si dhe personave që shoqëronin këtë të fundit, pati një sherr për dritat e gjata të makinës. Debati degjeneroi më pas në përdorimin e armës.
Autori Kambert Sulçaj qëlloi me një çifte drejt biznesmenit italian dhe shoqëruesve të tij, si dhe dy makinave me të cilat udhëtonin ata. Mësohet se 44-vjeçari italian u prek nga plumbi pasi bëri rikoshet në asfaltin e rrugës.
Lajmi kryesor:
Zbardhet vrasja e biznesmenit italian në Tepelenë, shpallet në kërkim 48-vjeçari nga Vlora! Policia gjurmoi makinën e tij përmes kamerave të sigurisë (EMRI+VIDEO)
V.GJ /r.k./ReportTv.al