Me vendimin e qeverisë, prej 1 korrikut punonjësit e sektorit shtetëror do kenë rritje page. Për mësuesit paga mesatare do të shkojë në 950 euro. Kryeministri Edi Rama ka ndarë një video të mësuesve të cilët shprehin vlerësimin për rritjen e pagave.
Sipas tyre më në fund figura e mësuesit po vlerësohet siç duhet dhe se kjo pagë vendos në vend dinjitetin e tyre.
“Ky është një lajm i gëzueshëm, për mua, gjithë kolegët, sepse kthehet në një vlerësim të madh për figurën e mësuesit, për punën tonë.
Më në fund mësuesit po vlerësohen siç duhet.
Ky është viti i parë i punës për mua dhe kjo rritje rroge është stimul për të ecur para.
U vendos më në fund dinjiteti i mësuesit”, shprehen mësuesit.
Ndërkohë, kreu i qeverisë shkruan se më e mira është ende para.
“Mirëmëngjesi dhe me kënaqësinë që falë një rruge të mundimshme reformash e rimëkëmbjeje tërësore të këtij vendi që e morëm në dorë copë e çikë, e çuam pagën mesatare të mësuesve në 950 EURO në muaj, si edhe me bindjen se më e mira është ende përpara, ju uroj një ditë të mbarë”, shkruan Rama.
Me këtë rritje pagash të miratuar më 26 qershor 2024 paga mesatare në sektorin shtetëror arrin në 105 mijë lekë. Për këtë rritje të pagave, që është e fundit e reformës së ndërmarrë nga qeveria në vitin e kaluar, vetëm për periudhën korrik-dhjetor 2022 nga buxheti i shtetit do të shpenzohen afro 108 milionë euro për rritjen e pagave. Fatura do të rritet më tej në vitin e ardhshëm pasi për të mbajtur këtë nivel të ri pagash nga buxheti i shtetit do të shpenzohen afro 390 milionë euro.
Paralelisht me këtë rritje, prej 1 janarit 2026, të gjitha pagat e sektorit shtetëror do të indeksohen me normën e inflacionit. Indeksimi i rrogave të administratës do të bëhet një herë në dy vite.
Komente
Po 7 mije euro qe paguhen per tu futur ne pune nese nuk je patronazhist?
PërgjigjuKokoshi nje thele me taksa. Rritje ka kesaj radhe, po eshte akoma shume larg nje page dinjitoze. Thjesht indeksim kane marre.
PërgjigjuO Krye M. na thuj kte pagën mesatare si e llogarit ti?? Bruto apo Neto? Deri më tani që pre zgjedhjeve administrative asnji lek shtes nuk kan mar. Kte premtim bone vjet dhe vetëm 1 herë na dhe 2000 lek shtesë
PërgjigjuRit kot pagat riten dyfish cmimet po me keq eshte, do i bjer vlera lekut do behet si lira turke.
PërgjigjuKeto shqafjet me te rroje partia dhe xhaxhi Rama jane neveri. Por mesusit e meritojne rrogen e ngritur. Edhe me shume tu rritet rroga se kane pergjegjsi te madhe.
Përgjigjunormal qe u rrit paga sepse ska me nxenes vitin tjeter gjysma do rri ne shtepi
PërgjigjuPo cmimet sa do rriten?
PërgjigjuPo pse mor vellezer e motra, edhe kur behet nje veprim kaq i mire, jeni gati ta peshtyni...mesa duket nuk meritoni asigjo se nuk vleresoni asigjo, vec ato pitet poshte dritares se babes.