Policia Rrugore e Vlorës ka bërë bilancin për tri ditë, ku informon se gjatë kësaj periudhe kanë konstatuar 266 shkelje nga drejtuesit e mjeteve.
Në njoftimin zyrtar Rrugorja bën me dije:
205 raste të drejtimit të mjetit me shpejtësi mbi normat e lejuara, ku disa drejtues janë kapur duke qarkulluar me mbi 200 km/h, duke vënë në rrezik jetën e tyre dhe të përdoruesve të tjerë të rrugës!
61 raste të drejtimit të mjetit në efektin e alkoolit.
Po në kuadër të këtyre kontrolleve, janë arrestuar 5 drejtues mjetesh dhe janë proceduar penalisht 2 të tjerë.
Policia Rrugore e Vlorës vijon kontrollet e përditshme në të gjitha akset, duke përdorur teknologjinë më të avancuar për të evidentuar shkeljet, me qëllim parandalimin e aksidenteve.
Më tej ata bëjnë thirrje për të gjithë shoferët që të respektojnë rregullat e qarkullimit dhe mos ta kthejnë rrugën në pistë garash.
Komente
