Sekretari i Përgjithshëm i NATO-s, Mark Rutte thotë se shkelja e hapësirës ajrore polake nga Rusia nuk është një incident i izoluar, ndërsa e cilësoi si një akt të pamatur.
"Një analizë është duke u zhvilluar për të hedhur dritë të plotë mbi incidentin, por ajo që është e qartë është se kjo shkelje nuk është një incident i izoluar. Qoftë i qëllimshëm apo jo, është një akt i pamatur", tha ai.
Rutte theksoi gjithashtu se ndërhyrja gjatë natës bashkë me aleatët ishte e suksesshme.
"Mbrojtja jonë ajrore u aktivizua dhe siguroi me sukses mbrojtjen e territorit të NATO-s, siç ishte menduar. Përveç Polonisë, ishin të përfshirë edhe disa aleatë. Këto përfshinin F-16 polakë, F-35 holandezë, AWACS italianë, tankerë transporti ushtarak dhe Patriot gjermanë. I përgëzoj pilotët dhe të gjithë ata që kontribuan në këtë reagim të shpejtë dhe kompetent", deklaroi Rutte.
Lajmi kryesor:
19 dronë rusë në hapësirën ajrore polake, 4 u rrëzuan! Tusk: Nuk kemi qenë kurrë më afër një konflikti që nga Lufta e II Botërore
Xh.D/ReportTv.al
