Një Samit sigurie në Kinë bën bashkë për dy ditë radhazi, rreth 20 udhëheqës botërorë, përfshirë ata nga Kina, Rusia, India dhe vende të tjera, në atë që po shihen si përpjekje për të kundërshtuar ndikimin Perëndimor në çështjet globale.
Presidenti rus Vladimir Putin mbërriti në qytetin portual kinez Tianjin. Për vizitën e rrallë katër-ditore në fqinjin dhe partnerin më të madh tregtar të Rusisë, Putin u prit nga zyrtarë të lartë, teksa iu shtrua edhe tapeti i kuq.
Lidhjet midis Kinës dhe Rusisë janë në "më të mirën" e tyre në histori, duke u bërë "më të qëndrueshmet, më të pjekurat dhe më të rëndësishmet strategjikisht midis vendeve të mëdha", tha transmetuesi shtetëror kinez CCTV në raportin e tij për mbërritjen.
Putin, në margjinat të samitit të Tianjin, ka diskutuar me liderin kinez rezultatet e samitit në Alaska me presidentin amerikan Donald Trump, deklaron Yury Ushakov, këshilltar i presidentit rus, siç raporton Tass.
"Zgjedhja e duhur" është që Kina dhe India të bëhen miq, jo rivalë. Kështu i tha Presidenti kinez Xi Jinping homologut të tij indian Narendra Modi - takimi i tyre i parë në shtatë vjet.
Ky është takimi më i madh që nga themelimi i grupit në vitin 2001 midis gjashtë vendeve euroaziatike.
Blloku i fokusuar në siguri është zgjeruar në 10 anëtarë të përhershëm dhe 16 vende dialogu dhe vëzhguese në vitet e fundit. Fusha e tij e veprimit është zgjeruar nga siguria dhe lufta kundër terrorizmit në bashkëpunimin ekonomik dhe ushtarak.
Pritet që Xi ta përdorë samitin për të treguar se si do të dukej një rend ndërkombëtar i udhëhequr nga Amerika, ndërkohë që do të ofrojë një nxitje diplomatike të profilit të lartë për Rusinë, e goditur nga sanksionet për shkak të pushtimit të Ukrainës.
Vetëm pak para vizitës së tij, Putin kritikoi ashpër sanksionet perëndimore në një intervistë me agjencinë zyrtare të lajmeve Xinhua të Kinës, duke thënë se Moska dhe Pekini kundërshtuan së bashku sanksionet "diskriminuese" në tregtinë globale.
“Militarizmi japonez po ringjallet nën maskën e kërcënimeve imagjinare ruse ose kineze, ndërsa në Europë, përfshirë Gjermaninë, po ndërmerren hapa drejt rimilitarizimit të kontinentit, duke mos marrë parasysh paralelet historike”, tha më tej ai.
Ekonomia e Rusisë është në prag të recesionit, e rënduar nga kufizimet tregtare dhe kostoja e luftës.
Presidenti kinez Xi Jinping u takua sot me homologun e tij turk, Recep Tayyip Erdogan, i cili mbërriti në qytetin portual të Tianjin për të marrë pjesë në samitin e Organizatës së Bashkëpunimit të Shangait (SCO).
Presidenti kinez, sipas agjencisë së lajmeve Xinhua, bëri thirrje për përqafimin e trendit global drejt paqes, zhvillimit dhe bashkëpunimit të favorshëm për të dyja palët, duke punuar së bashku për një sistem "më të drejtë dhe të barabartë" të qeverisjes ndërkombëtare.
Përpara 55-vjetorit të marrëdhënieve diplomatike midis dy vendeve, që do të ndodhë vitin e ardhshëm, Xi bëri thirrje për forcimin e besimit të ndërsjellë politik, mbështetjes për çështjet me interes themelor dhe bashkëpunimit në siguri dhe luftën kundër terrorizmit.
Vladimir Putin
Presidenti rus Vladimir Putin, në margjinat të samitit të Tianjin, ka diskutuar me liderin kinez Xi Jinping rezultatet e samitit në Alaska me presidentin amerikan Donald Trump: këtë e deklaron Yury Ushakov, këshilltar i presidentit rus, siç raporton Tass.
«Presidenti ka pasur një bisedë shumë të gjatë, kryesisht, natyrisht, me liderin kinez. Ata u ulën së bashku për një bisedë aktive dhe shumë frytdhënëse. Ndër temat e tjera, më tha presidenti, ata diskutuan për kontaktet e fundit me amerikanët, për kontaktet tona me amerikanët», – tha Ushakov.
Foto: Narendra Modi dhe Xi Jinping
Presidenti i Kinës, Xi Jinping, dhe kryeministri i Indisë, Narendra Modi, janë zotuar sot për t’i zgjidhur mosmarrëveshjet kufitare dhe për ta forcuar bashkëpunimin.
Ai ndodhet në Kinë si pjesë e anëtarësimit të Indisë në Organizatën e Shangait për Bashkëpunimi, e cila është grupim rajonal politik, ekonomik dhe i sigurisë i themeluar nga Kina.
“Për sa kohë që mbeten të përkushtuar ndaj synimit të përgjithshëm për të qenë partnerë, jo rivalë, dhe për të ofruar mundësi zhvillimi, jo kërcënime, marrëdhëniet Kinë-Indi do të lulëzojnë dhe do të ecin përpara në mënyrë të qëndrueshme”, tha Xi.
Të dy vendet jo vetëm që janë më të populluarat, por kanë edhe dy nga ekonomitë më të mëdha në botë.
Modi njoftoi se fluturimet midis Indisë dhe Kinës - të pezulluara që nga përplasjet vdekjeprurëse të trupave në kufirin e tyre të përbashkët në Himalaje në vitin 2020 - do të rifillojnë, pa dhënë një afat kohor.
Komente
