Një 28-vjeçar francez është gjetur i vdekur në rrugën “Butrinti” në qytetin e Sarandës rreth orës 03:00 të mëngjesit të sotëm.
Referuar njoftimit të policisë, dyshohet se 28-vjeçari me iniciale M. F., ka qenë në gjendje të dehur dhe për pasojë ka humbur ekuilibrin dhe është rrëzuar nga një lartësi. Si pasojë e dëmtimeve të marra, i riu francez ka humbur jetën.
Sakaq, hetimet po vijojnë për zbardhjen e plotë të rrethanave të rastit.
“Specialistët për Hetimin e Krimeve në Komisariatin e Policisë Sarandë po kryejnë veprime hetimore për zbardhjen e plotë të rastit, pasi më datë 02.09.2025, rreth orës 03:00, në rrugën “Butrinti”, Sarandë, shtetasi francez M. F., 28 vjeç, dyshohet se në gjendje të dehur ka humbur ekuilibrin dhe aksidentalisht është rrëzuar nga një lartësi, ku si pasojë e dëmtimeve të marra ka ndërruar jetë.
Materialet iu referuan Prokurorisë, për veprime të mëtejshme”, njofton policia.
Komente
