Sarandë- Nisja e sezonit turistik veror nxit edhe rastet e paligjshmërive në garën për të përfituar sa më shumë nëpërmjet garës për sipërfaqe plazhi dhe ndërtime në zonën bregdetare.
Policia e Sarandës ka proceduar dy raste shkeljesh, ku është konstatuar zaptimi i plazhit dhe ndërtimi pa leje.
Specialistët për Hetimin e Krimeve të Komisariatit njoftuan sot (27 maj) se referuan materialet në Prokurori ku nisi procedimi penal për 3 persona.
“U proceduan A. O., dhe A. D., banues në Sarandë, pasi janë konstatuar duke kryer punime me ekskavator, në lagjen nr. 3, Sarandë, pa lejen e organeve kompetente. Po kështu Xh. B., banues në Sarandë, pasi ka ndërtuar pa leje dy platforma, në një pjesë plazhi që ka në menaxhim”, njoftoi policia vendore.
Komento
Komente
