Ka nisur në portin e Vlorës fluksi i mbërritjes nga Italia të emigrantëve për të kaluar pushimet verore në vendin e tyre.
Sipas informacioneve paraprake mëngjësin e sotëm kanë mbërritur 1200 pasagjerë. Siç duket nga pamjet dyndje mjetesh janë në kalatën e portit të Vlorës. Pritet qe ditët në vijim të sjellin edhe me shumë fluks. Ndërkohë do të punohet me 8 sportele.
Po ashtu edhe në pikën kufitare të Kapshticës raportohet se vetëm të shtunën e 13 korrikut kanë hyrë 3645 shtetas dhe kanë dalë 2940 shtetas.
Ndërsa në Qafë Thanë kanë hyrë 4217 shtetas dhe kanë dalë 4671 shtetas.
Komento
