Ministri i Brendshëm, Fatmir Xhafaj, dhe ai i Infrastrukturës, Damian Gjiknuri, kanë firmosur udhëzimin për kufizimin e qarkullimit të mjeteve të rënda gjatë sezonit turistik, nga 15 qershori deri në 15 shtator.
Në udhëzim bëhet e ditur se kufizimet për këta mjete do të bëhen në fundjava, ndërsa paralajmërohen sanksione për të gjithë shkelësit. Në udhëzimin e mëposhtëm, firmosur nga Xhafaj e Gjiknuri, jepen të gjitha oraret e kufizimeve, ditët dhe llojet e mjeteve.
PDF/ Udhëzimi i ri për sezonin turistik (klikoni që të hapet dokumenti)
Njoftimi i plotë:
Me synim krijimin e lehtësive në qarkullimin e mjeteve në zonat turistike, Ministria e Infrastrukturës dhe Energjisë dhe Ministria e Brendshme kanë nxjerrë udhëzimin e përbashkët për disiplinimin e lëvizjes së mjeteve të rënda fundjavat e periudhës 15 Qershor deri në 15 Shtator.
a) mjetet e transportit të mallrave me peshë të përgjithshme të autorizuar mbi 7.5 ton;
b) me ngarkesë të pandashme, me gjatësi maksimale më të madhe se 12 m;
c) rrugore apo bujqësore që kanë shpejtësi më të vogël se 40 km/orë;
d) bujqësore dhe teknologjike që kalojnë përmasat kufitare;
e) për kursantët e autoshkollave mësimore.
Kufizimet e shtrijnë efektin për ditët: E Premte nga ora 15:00 deri në orën 22:00. E Shtune nga ora 08:00 deri në orën 12:00 dhe nga ora 16:00 deri në orën 22:00. Për ditët e diela nga ora 07:00 deri në orën 22:00.
Segmentet rrugore për të cilët do të zbatohet ky udhëzim:
Shkodër (P.K.Hani i Hotit; P.K.Muriqan; Plazhi Zogaj; Plazhi Shirokë; Velipojë; Lezhë)
Lezhë (Shëngjin; Patok; Kryqëzimi i Milotit – Kukës – P.K.Morinë)
Tiranë (Durrës; Gjiri i Lalzit)
Elbasan (Pogradec; Rrogozhinë)
Durrës (Currila; Gj.Lalzit; Kavajë; Rrogozhinë; Kryqëzimi i Milotit-Kukës- Morinë)
Kavajë (Plazhi Gjeneralit; Spille; Lushnje)
Fier (Lushnje; Seman; Plazhet e Poros)
Vlorë (Zvërnec; Palasë-Dhërmi-Vuno-Himarë-Qeparo-Borxh-Bunec-Sarandë)
Sarandë (P.K.Qaf Botë)
Pogradec (Lin-P.K.Qaf Thanë;P.K.Tushemisht)
Tepelenë (Gjirokastër – P.K. Kakavijë)
B.Curri (P.K. Qaf Morinë; Valbonë)