Përfundon seanca për masën e sigurisë për 9 nga 10 të arrestuarit për sherrin masiv të ndodhur pak ditë më parë në Korçë, ku mbetën të plagosur dy persona. Prokuroria kërkoi masën e sigurisë "arrest me burg" për 54 vjeçarin Dritan Pino, kërkesë e cila u pranua dhe nga gjykata duke e lënë në burg këtë të fundit.
Për 8 të arrestuarit e tjerë, konkretisht Petrika Ropi, Ilir Shukulli, Rafail Kocaqi, Salvi Asllan, Mihal Zhidro, Serxho Mema, Gersi Dervishi dhe Kristi Lamçe, prokuroria kërkoi masën "detyrim paraqitje", e cila po ashtu u pranua nga gjykata.
Për të arrestuarin Sotiraq Shkurti, njëkohësisht i plagosur, masa do të zhvillohet në ambientet e spitalit rajonal të Korçës pasi Shkurti ndodhet ende në kujdesin e mjekëve.
Përplasja masive ndodhi mbrëmjen e 31 gushtit në një lokal në lagjen numër 1 të qytetit dhe 2 persona u plagosën me thikë. 10 persona, nga mosha 21 deri në 51 vjeç të gjithë banues në Korçë, të cilët u përfshinë në sherr me njëri-tjetrin, u arrestuan, ndërsa në kërkim u shpall një 38-vjeçar.
Policia identifikoi 54-vjeçarin Dritan Pino si autorin e plagosjes me thikë të dy 31-vjeçarëve, Mihal Zhidro dhe Sotiraq Shkurti.
Komente
