SHIJAK - Një 50-vjeçar ka humbur jetën pasditen e sotme teksa ka qenë duke peshkuar në ujërat e lumit Erzen në Shijak.
Mësohet se viktima, Arben Qose 50-vjeç, banues në Vadardhë, Sukth ka qenë duke peshkuar me kosh të lidhur me energjinë elektrike, ndërsa dyshohet që shkak të jetë bërë një kontakt me rrymën, i cili i ka marrë jetën në vend. Qosja është gjetur nga të afërmit në ujë pa shenja jete.
Në vendgjarje ka shkuar grupi hetimor për të bërë të mundur përcaktimin e shkaqeve të kësaj ngjarje.
Njoftimi i policisë:
Më datë 05.08.2018, në fshatin Hidrovor, Hamallë shtetasi A.Q.50 vjeç, banues në Vadardhë, Sukth teksa po peshkonte me rrjetë peshku të lidhur me litar në majën e një tubi metalik ka rënë në kontakt me tension e mesëm dhe ka ndërruar jetë.
Nga ana jone menjëhere u ngrit grup hetimor në përbërje të të cilit kanë marrë pjesë dhe perfaqësues të OSHEE - së Shijak, Durrës dhe eksperti mjeko - ligjor, i cili kreu veprimet me kqyerje të vendngjarjes dhe trupit të shtetasit A.Q. ku nuk konstatohen shenja dhune, plagë apo dëmtime trupore. Materialet i kaluan Prokurorisë së Rrethit Gjyqësor Durrës për ngjarje aksidentale.
Komente
S'vene mend keto njerez
PërgjigjuNatyra i mësoi njeriut gjahun me mjete që ai të jetë i kënaqur dhe i lumtur. Për peshk mund të shkosh me shokë ose dhe me familjen piknik e të kalosh kohën.. Por njeriu sot ka shkarë nga mendja, dhe për arsye të shkarjes nga natyrshmëria, të gjen edhe belaja..... Për rastin konkret, mori atë që kërkonte..
Përgjigju