Kultivimi i lëndës narkotike në Shkodër është ulur ndjeshëm nga Task-Forca, por ende nuk ka mundur ta nxjerrë nga harta e zonave ku kultivohet kanabis.
Prefekti Çesk Millja u shpreh në takimin e radhës se problem përveç zonave të evidentuara si problematike për kultivimin e kanabisit, janë ambientet e mbyllura ku kultivohet përmes energjisë. Ndërsa drejtori i Policisë së Shkodrës, Vehbi Bushati deklaroi se momentalisht ekzistojnë mbi 3-4 grupe kriminale që funksionojnë në mënyrë të strukturuar.
"Shkodra ka zona me risk, por fenomeni po zvogëlohet. Janë ulur mbi 20% rastet dhe është rritur zbulueshmëria e autorëve. Janë mbi 3 -4 grupe kriminale në Shkodër dhe funksionojnë si grup i strukturuar kriminal por tashmë janë në kushtet e minimales. Sivjet kishim miniparcela. Kujdes duhet t’i kushtojmë ambjente të mbyllura nga serat, tunelet, qoftë dhe pallatet, pasi krimi kërkon metoda të reja", u shpreh Bushati.
Komente
