Kamionistët shprehen për Report Tv se nuk janë njoftuar ditën e djeshme për mbylljen e kufijve për kamionët e mallrave.
Ata shprehen se kthimi dhe kalimi nga një tjetër pikë kufitare ka kosto të mëdha. Mes tyre ishin dhe disa qytetarë turq të cilët shprehen se do të kalojnë nga Maqedonia e Veriut për të shkuar drejt Turqisë.
"Dy orë e gjysmë. Do ngarkoj mallin. Këtë e bëjmë çdo ditë. Nuk kishim informacion që do të mbyllej sot. Do të presim, nëse nuk zgjidhet do të kthehem. Firma do të ketë humbje me patjetër" - tha një prej kamionistëve.
"Do kthehemi. Do kalojmë nga Maqedonia për tu kthyer në Turqi. S'ka mall, jemi bosh" - tha një drejtues turk.
"Nuk ishim njoftuar se do të mbyllej kufiri. Ka kosto të madhe. Ne do të shkojmë të ngarkohemi. Ne kemi shokët andej dhe nuk e di se sa do të bëhej. Vetëm nga firma jonë janë 5 kamionë" - tha një tjetër shofer.
Lajmi kryesor:
Mbyllet Kapshtica deri më 4 dhjetor, radhë të gjata në pikën kufitare gjatë mëngjesit! Drejtoria e Kufirit Korçë: Nuk do lejohen të kalojnë as kamionët (VIDEO)
E.M.//ReportTv.al