Vlorë- Një 45-vjeçar në Vlorë është vendosur në pranga pasi shpërndante drogë në zona të ndryshme të këtij qyteti.
Sipas njoftimit të policisë, Albert Bani, u kap nga blutë pas një hetimi 3-mujor të kryer për dokumentimin e plotë të veprimtarisë kriminale të shpërndarjes së lëndëve narkotike.
"Si rezultat, u bë e mundur lokalizimi dhe ndalimi i shtetasit Albert Bani, 45 vjeç, banues në Vlorë, ndaj të cilit Gjykata e Shkallës së Parë Vlorë, me vendimin e datës 04.03.2025, caktoi masën e sigurisë “Arrest në burg”, për veprën penale “Prodhimi dhe shitja e lëndëve narkotike”.
Gjatë hetimeve, shërbimet e Policisë siguruan prova të mjaftueshme për përfshirjen e këtij shtetasi në shpërndarjen e lëndëve narkotike të llojit kokainë në zona të ndryshme të qytetit të Vlorës. Nga kjo veprimtari kriminale, 45-vjeçari ka përfituar shuma të konsiderueshme parash, të cilat dyshohet se i ka gjeneruar nga shitja e dozave të kokainës", informoi sot policia.
Sekuestrohen 222 doza kokainë, 1 peshore elektronike, e përdorur për ndarjen e dozave, 2 aparate celularë, dhe 1 automjet.
Operacioni u kodua White 'Snow'.
Materialet procedurale i kaluan Prokurorisë, për veprime të mëtejshme.
Komente
