Vlorë- Një shpërthim tritoli ka ndodhur në një dyqan motorësh në qytetin e Vlorës mbrëmjen e sotme në lagjen “Bashkimi”.
Burime për Report Tv bëjnë me dije se tritoli është vendosur në godinën e biznesit në pronësi të Vasillaq Bezhani, në rrugën Transballkanike, që funksionon si dyqan për shitje dhe servis motomjetesh.
Në momentin që ndodhi shpërthimi, biznesi ka qenë i mbyllur dhe mësohet se është vendosur midis dyqanit të motorave dhe një banese. Nga shpërthimi ka vetëm dëme materiale.
Zona ku ka ndodhur shpërthimi është një zonë që ka edhe kamera sigurie dhe policia, do t'i marr për të zbuluar detaje lidhur me shpërthimin, ndërsa janë duke marr në pyetje persona që mund të kenë dijeni për këtë shpërthim, informoi gazetari i Report Tv Armand Xhelili.
'Vlorë/Informacion paraprak. Rreth orës 23:00, në lagjen “Bashkimi”, në dritaren e një servisi motorësh, në pronësi të shtetasit V. B., ka shpërthyer një sasi lënde e dyshuar plasëse, ku si pasojë janë shkaktuar vetëm dëme të vogla materiale', thuhet në njoftimin e policisë.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar.
Komente
VLORA..VLORA.VLORA.VLORA..BJERI ME TE LUMTE DORA...VLORA...VLORA ..VLORA. ..JA DO BEHET VLORA E JONA JA DO BEHET SHKRUMB E HI...ptu...ptu..ptu...
Përgjigju