Kryeministri Edi Rama mori pjesë në tryezën e organizuar nga Banka e Shqipërisë lidhur me prezantimin e planit për financimin e 250 mln eurove në sektorin e bujqësisë, që do i vijë në ndihmëve fermerëve dhe sipërmarrësve rural.
Rama tha se nuk mund të bëhen eksperimente artistike lidhur me financat, ashtu siç u bë në vitet 1995-1996, me firmat piramidale që prodhuan trazirat e '97.
‘Nuk jemi në kushtet e shpikjeve, shpikjet në financa janë tërheqëse për artistët por shumë problematike për ekonomistët. Kemi pasur zhvillim shumë artistik në vitet 95-96 që na prodhoi katastrofën e 97. Shpresoj shumë që jo vetëm bankat por edhe shoqatat të na bëhen krahë për informimin. Shumë i rëndësishëm për këtë zhvillim të ri', tha Rama.
Lajmi kryesor:
Financimi 250 mln euro në bujqësi, Rama: Do jetë histori suksesi për sipërmarrësit rural, si hotelet me 5 yje! Synojmë që eksportet të kapin 1 mld euro në 2030
G.K/A.M/ReportTv.al
