Pas një pune të pandërprerë edhe gjatë natës nga forcat operacionale nga bashkitë Finiq, Delvinë, Himarë, Sarandë, Konispol e Dropull, mbështetur nga 75 efektivë të Forcave të Armatosura dhe helikopteri Cougar është bërë e mundur shuarja e zjarreve në Finiq dhe Delvinë.
Por puna po vijon nga strukturat vendore, për monitorimin e situatës, me qëllim shmangien e çdo mundësie riaktivizimi të vatrave, informon ministria e Mbrojtjes.
"Ndërhyrja e shpejtë e forcave, në temperatura të larta dhe terren të vështirë, një ditë më parë shmangu dëmet e pasurisë kulturore, monumenteve, bazilikave apo objekteve të ndryshme në Parkun Arkeologjik të Finiqit' thotw ministria e Mbrojtjes nw njoftimin e saj.
Forcat e Armatosura, nën koordinimin e Agjencisë së Mbrojtjes Civile vijojnë të jenë në gatishmëri për të ndërhyrë në çdo rast që nevojitet në ndihmë të komunitetit.
Komente
Pse nuk thoni troc butrinti, po finiqi…
Përgjigju